सानिमा जनरल इन्स्योरेन्स Sanima General Insurance Company को शेयर रजिष्ट्रारमा सानिमा क्यापिटल नियुक्त भएको छ । हालै मात्र आईपिओ जारी गरेको यस कम्पनीले सानिमा क्यापिटललाई शेयर रजिष्ट्रार नियुक्त गरेको हो ।
यस संगै अब सानिमा जनरको धितोपत्र कारोबार सम्बन्धी अभिलेख राख्ने, शेयर दाखिल खारेज गर्ने, नाम सारी गर्ने लगायतका शेयरधनीहरुको लगत अद्यावधिक राख्ने सम्बन्धी सम्पूर्ण काम कारबाही सानिमा क्यापिटलले गर्ने भएको छ ।
कम्पनीले निष्काशन गरेको आईपिओ बाँडफाँड भई लगानीकर्ताको डिम्याट खातामा आईसकेको छ । नेप्सेमा सुचिकृत भएको दोस्रो दिनबाट लगानीकर्ताले शेयर खरिद बिक्रि गर्न सक्ने छन् । कम्पनीले असोज २१ गतेदेखि प्रति शेयर १ सय अंकित दरले हुने ३० करोड बराबरको ३० लाख कित्ता आईपिओ निष्काशन गरेको थियो । सर्वसाधारण शेयर निष्काशन गरे पश्चात कम्पनीको चुक्ता पूँजी एक अर्ब रुपैयाँ पुगेको छ ।