मंगलबार शेयर बजार परिसूचक नेप्से दोहोरो अंकले बढेको छ । मंगलबार सूचक २५.९८ अंकले बढेर १६७८.७९ को बिन्दुमा पुगेर रोकिएको छ ।
आज कारोबारमा आएका १९६ कम्पनीका ९६ लाख ५७ हजार ६ सय ७७ कित्ता शेयर बिक्रिबाट ४ अर्ब ९ करोड ६१ लाख ९० हजार २ सय ५६ रुपैयाँको कारोबार भएको छ । आज कारोबारमा आएका हाइड्रो र म्युचुअल फण्ड बाहेकका सबै समुहगत सूचक बढेका छन् । आज जीवन बीमा कम्पनीको सूचकले १० हजारको बिन्दु पार गरेको छ ।
आज नेपाल पुनर्बिमा कम्पनीको सबै बह्न्दा धेरै २८ करोड ५३ लाखको कारोबार भएको छ । बढी शेयर कारोबार अन्य कम्पनीमा नेपाल लाइफ इन्स्योरेन्स, हिमालयन डिस्टिलरी, नेपाल टेलिकम, कामना सेवा विकास बैंक लगायत रहेका छन् ।
आज साल्ट ट्रेडिङ कर्पोरेशन र कर्पोरेट विकास बैंकको शेयर मूल्य १० प्रतिशतले बढेको छ । त्यस्तै त्यस्तै सानिमा जनरल इन्स्योरेन्सको शेयर मूल्य ९.९१ प्रतिशत र टेलिकमको शेयर मूल्य ९.४९ प्रतिशतले बढेको छ । आज विशाल बजार कम्पनीका लगानीकर्ताले सबै भन्दा धेरै ४.६१ प्रतिशत गुमाएका छन् ।