बरुण हाइड्रोपावर कम्पनी Barun Hydropower Company ले लाभांश घोषणा गरेको छ । कम्पनीको मङ्सिर २८ गते बसेको संचालक समितिको बैठकले आर्थिक वर्ष ७६/७७ को मुनाफाबाट ५ प्रतिशत बोनस शेयर र कर प्रयोजनको लागि ०.२६३ नगद गरि कुल ५.२६३ प्रतिशत लाभांश घोषणा गरेको हो ।
कम्पनीको आगामी साधारणसभाले पारित गरेपछि लगानीकर्तालाई उक्त लाभांश वितरण हुने छ । कम्पनीले लाभांश घोषणा गरेसंगे नेप्सेले कम्पनीको कारोबार स्थगित गरि ३ दिने स्पष्टिकरण सोधेको छ ।
लाभांश सम्बन्धि निर्णय भएको सोहिदिन वा अघिल्लो दिन कारोबार खुल्नु अगाडी नै नेप्से मार्फत जानकारी गराउनु पर्नेमा कम्पनीले ढिलो जानकारी गराएको भन्दै नेप्सेले स्पष्टिकरण सोधेको हो । नेप्सेले के कारणले यसो भएको हो सो को कारण खुलाई ३ दिन भित्र स्पष्टिकरण पेश गर्न निर्देशन दिएको हो ।
