.gif)
चालु आर्थिक वर्ष ७७/७८ को दोस्रो त्रैमासमा अपि पावर कम्पनी Api Power Company को खुद नाफा २४५.७९ प्रतिशतले बढेको छ। अघिल्लो आर्थिक वर्षको दोस्रो त्रैमासमा कम्पनीको खुद नाफा ४ करोड १४ लाख रहेकोमा चालु आर्थिक वर्षको सोहि अवधिमा खुद नाफा बढेर १४ करोड ३२ लाख पुगेको हो ।
यस अवधिमा कम्पनीको कुल आम्दानी ३० ३७ लाख रहेको छ भने कम्पनीको विद्युत बिक्रि वापतको आम्दानी २४ करोड १९ लाख छ । अघिल्लो आर्थिक वर्षको दोस्रो त्रैमासमा कम्पनीको विद्युत बिक्रि वापतको आम्दानी १३ करोड ५० लाख मात्र थियो । त्यस्तै कम्पनीको विद्युत बिक्रि बाहेकको अन्य आम्दानी ६ करोड १७ लाख रहेको छ । अघिल्लो आर्थिक वर्षको ओशी अवधिमा यस्तो आम्दानी १४ लाख मात्र थियो ।
कम्पनीको चुक्ता पुँजी १ अर्ब ९२ करोड रहेको छ भने रिजर्भमा २९ करोड ७० लाख रहेको छ । कम्पनीको दिर्घकालिन ऋण १ अर्ब ७० करोड रहेको छ ।
यस अवधिमा कम्पनीको प्रति शेयर आम्दानी १४.८४ रुपैयाँ, प्रति शेयर नेटवर्थ ११५.३९ रुपैयाँ, र मूल्य आम्दानी अनुपात १७.८५ रहेको छ।
कम्पनीले ८.५ मेगावाटको नौगाड गाड साना जलविद्युत आयोजना र ८ मेगावाटको नौगाड गाड जलविद्युत आयोजना निर्माण सम्पन्न गरिसकेको छ । हाल कम्पनीले ४० मेगावाटको अपर चमेलिया र ४ मेगावाटको चन्द्रानिगाहापुर् सोलार पावर आयोजना निर्माण गरिरहेको छ ।
