चालु आर्थिक वर्षको दोस्रो त्रैमासमा नेपाल इन्फ्रास्ट्रकचर बैंकको खुद नाफा १२.५४ प्रतिशतले घटेको छ । अघिल्लो आर्थिक वर्षको दोस्रो त्रैमासमा बैंकले ४० करोड २७ लाख खुद नाफा कमाएकोमा चालु आर्थिक वर्षको दोस्रो त्रैमासमा बैंकको नाफा घटेर ३५ करोड २५ लाख कायम भएको हो ।
बैंकको वितरणयोग्य नाफा भने २७ करोड ६० लाख रहेको छ ।
यस अवधिमा बैंकको खुद ब्याज आम्दानी ७.७२ प्रतिशतले घटेर ५६ करोड ९४ लाख कायम भएको छ । त्यस्तै बैंकको संचालन मुनाफा १२.३२ प्रतिशतले घटेर ३५ करोड २५ लाख कायम भएको छ ।
१२ अर्ब चुक्ता पुँजी रहेको बैंकको रिजर्भमा १ अर्ब ९४ करोड रहेको छ । बैंकले हालै मात्र ८ अर्ब बराबरको आईपिओ निष्काशन गरेको थियो । कम्पनीको आईपिओ बाँडफाँड भई सकेकोछ । आईपिओ पश्चात बैंकको चुक्ता पुँजी २० २० अर्ब पुगेको छ । तर दोस्रो त्रैमासको रिपोर्टमा बैंकले यसलाई समायोजन गरेको छैन ।
बैंकको प्रति शेयर आम्दानी ५ रुपैयाँ ८७ पैसा रहेको छ भने प्रति शेयर नेटवर्थ ११६ रुपैयाँ १९ पैसा रहेको छ ।
