फरवार्ड माइक्रोफाइनान्सको लाभांश सुरक्षित गर्ने आज फागुन ४ गते अन्तिम दिन रहेको छ । कम्पनीले साधारणसभा प्रयोजनको लागि फागुन ५ गते बुक क्लोज गर्ने निर्णय गरेकोले आज फागुन ४ गतेसम्म कायम शेयरधनीले मात्र साधारणसभामा भाग लिन र प्रस्तावित लाभांश पाउँन सक्ने छन् ।
कम्पनीको पुस २२ गते बसेको संचालक समितिको बैठकले आर्थिक वर्ष ७६/७७ को मुनाफाबाट २५ प्रतिशत बोनस शेयर र कर प्रयोजनको लागि समेत ६.५८ प्रतिशत नगद गरि कुल ३१.५८ प्रतिशत लाभांश वितरण गर्ने प्रस्ताव गरेको छ । कम्पनीको साधारणसभाले पारित गरेपछि उक्त लाभांश लगानीकर्तामा वितरण हुने छ । कम्पनीले फागुन २१ गते शुक्रबार दिउँसो ११ बजे साधारणसभा डाकेको छ ।
हाल कम्पनीको चुक्ता पुँजी ५० करोड ४ लाख १५ हजार रहेको छ ।
