नेपाल स्टक एक्सच्नेज नेप्सेको वेबसाइटमा समस्या देखिएको छ । नेप्सेको वेबसाइटमा रहेको मार्केट डेप्थमा समस्या देखिएको हो ।
मार्केट डेप्थमा लगानीकर्ताले राखेको अर्डर देखिएको छैन भने कम्पनीको घटबढ भएको प्रतिशत पनि गलत देखिएको छ । यदि कुनै कम्पनीको मूल्य घटेको भए , मूल्य जति घटेको भएपनि १ सय प्रतिशतले घटेको देखाईएको छ । त्यस्तै यदि कुनै कम्पनीको मूल्य बढेको भए , मूल्य जति घटेको भएपनि १ सय प्रतिशतले बढेको देखाईएको छ ।
जबकी एक दिनमा कुनै पनि कम्पनीको शेयर मूल्य १० प्रतिशतभन्दा घटबढ हुन पाउदैन । मार्केट डेप्थमा अर्डरहरु नदेखिंदा लगानीकर्ताहरु सूचना पाउँनबाट बन्चित भएका छन् । त्यस्तै लगानीकर्ताहरुले शेयरको मूल्य कति प्रतिशतले घटबढ भएको हो भन्ने सहि जानकारी पाउँन सकेका छैनन् । यो समस्या नेप्सेको दुवै वेबसाइट नेपालस्टक डटकम र नेपाल स्टक डट कम डट एनपीमा देखियो हो । नेप्सेको नयाँ वेबसाइट भने हाल मर्मतको लागि भनेर बन्द गरिएको छ । टिएमएसमा भने मार्केट डेप्थको डाटा सहि नै देखिएको छ ।
नेप्सेले यस बारे जानकारी लिएको र समस्या समाधान भईरहको जनाएको छ । नेप्सेको वेबसाइट पटक पटक समस्या आउने गरेको छ ।
