शेयरको घरायसी तथा मृत्यू नामसारी सेवा थप एक साता बन्द रहने भएको छ । सिडिएस एण्ड क्लियरिङ्ग लिमिटेडले माघ ३ गतेदेखि माघ ११ गतेसम्म सेवा स्थगित गर्ने निर्णय गरेकोमा कोभिड संक्रमितको संख्या बढ्दै गएको र कर्मचारीहरु होम आईसोलेसन मै रहेकोले यो सेवा माघ १९ गतेसम्म रहने जनाएको हो ।
सिडिएसले माघ १० गते सूचना जारी गर्दै माघ १९ गतेसम्म सेवा स्थगित गर्ने निर्णय भएको उल्लेख गरेको छ । कोरोना भाईरस (कोभिड-१९) को तेस्रो लहर संगै कार्यालयमा कार्यरत अधिकांश कर्मचारी कोभिड संकमित भएकाले चेन ब्रेकका लागि शेयरको घरायसी तथा मृत्यू नामसारी सेवा स्थगन गरिएको हो ।
नेपालको कानुनले शेयरको घरायसी तथा मृत्यु नामसारी र अदालतको आदेश अनुसारको नामसारी मात्र गर्न मिल्छ । मृत्यु भएका व्यक्तिहरुको खातामा भएका धितोपत्रहरु कानुनी हकवाला वा इच्छाइएको व्यक्तिको खातामा हस्तान्तरण गर्ने कार्यलाई धितोपत्रहरुको घरायसी तथा मृत्यु नामसारी भनिन्छ । धितोपत्र भनेको शेयर हो । डिम्याट खातामा भएका धितोपत्रहरुको हकवालामा नामसारीको लागि डिपीलाई आवश्यक कागजातहरु पेश गरु सहजै नामसारी गर्न सकिन्छ ।
