नारायणी डेभलपमेन्ट बैंकले फेरि हकप्रद निष्काशन गर्ने प्रस्ताव गरेको छ । कम्पनीको सोमबार बसेको संचालक समितिको बैठकले हाल कायम चुक्ता पुँजीको शतप्रतिशत हकप्रद निष्काशन गर्ने प्रस्ताव गरेको हो ।
कम्पनीले हकप्रद निष्काशन प्रस्ताव पारित गर्न विशेष साधारणसभा समेत डाकेको छ । कम्पनीले असार ८ गते चितवनमा विशेष साधारणसभा आह्वान गरेको हो । सभामा बैंकको हाल कायम चुक्तापुँजी रु २६,२४,६७,६००/- (अक्षेरुपी छब्बिस करोड चौविस लाख सतसठ्ठी हजार छ सय) मा थप १:१ अनुपातमा हकप्रद शेयर जारी गरी चुक्ता पूँजी रु ५२,४९,३५,२००/- (अक्षेरुपी बाउन्न करोड उनान्चास लाख पैतिस हजार दुई सय) कायम गरी चुक्ता पुँजी बृद्धि गर्ने प्रस्ताव पेश हुने छ । त्यस्तै प्रबन्धपत्र तथा नियमावली संशोधन गर्ने प्रस्ताव पेश हुने छ ।
कम्पनीले विशेष साधारणसभा प्रयोजनको लागि जेठ ३० गते बुक क्लोज गर्ने निर्णय गरेको छ । जेठ २९ गतेसम्म कायम शेयरधनीले मात्र स्वाहामा भाग लिन सक्ने छन् ।
कम्पनीले यस अघि २ पटक शतप्रतिशत हकप्रद निष्काशन गरिसकेको छ ।
