नेपाल स्टक एक्सचेन्ज नेप्सेमा राधी विद्युत कम्पनीको शेयर मूल्य समायोजन भएको छ । कम्पनीको १४७.५२ प्रतिशत हकप्रदमा मूल्य समायोजन भएको हो ।
समायोजनापछि कम्पनीको शेयर मूल्य प्रति कित्ता २८१.४० रुपैयाँ कायम भएको छ । समायोजना अघि कम्पनीको शेयर मूल्य ५४९ रुपैयाँ थियो ।
कम्पनीले हकप्रद निष्काशनको लागि भदौ १२ गते बुक क्लोज गर्ने निर्णय गरेकोले आज भदौ १० गतेसम्म कायम शेयरधनीले मात्र कम्पनीले निष्काशन गर्ने हकप्रद शेयरमा आवेदन दिन सक्ने छन् । आजको बजार बन्द भएपछि नेप्सेमा मूल्य समायोजना भएको हो ।
कम्पनीले हाल कायम चुक्ता पुँजीको १:१.४७५२ को अनुपातमा अर्थात् १४७.५२ प्रतिशत हकप्रद शेयर निष्काशन गर्न लागेको हो। कम्पनीले प्रति शेयर १०० का दरले ९५ लाख ३५ हजार ७ सय ६० दशमलव ९९ कित्ता हकप्रद शेयर निष्काशन गर्ने छ । कम्पनीले हकप्रद निष्काशन गर्ने मिति भने तय गर्न बाँकि छ । नेपाल धितोपत्र बोर्डले साउन ९ गते कम्पनीलाई हकप्रद निष्काशनको लागि अनुमति दिएको हो ।