हिमाल दोलखा हाईडोपावर कम्पनीको हकप्रद सुरक्षित गर्ने आज वैशाख २६ गते अन्तिम दिन रहेको छ । कम्पनीले हकप्रद निष्काशनको लागि वैशाख २७ गते बुक क्लोज गर्ने निर्णय गरेकोले आज वैशाख २६ गतेसम्म कायम शेयरधनीले मात्र कम्पनीले निष्काशन गर्ने हकप्रदमा आवेदन दिन पाउने छन् ।
कम्पनीले हालको पुँजी १ अर्ब ६० करोडको प्रति शेयर अंकित रु १०० को दरले १ कित्ता शेयर बराबर ०.७५ कित्ता अर्थात् ७५ प्रतिशत अनुपातमा १ करोड २० लाख कित्ता हकप्रद शेयर निकाष्शनको गर्न लागेको हो । कम्पनीले हकप्रद निष्काशनको लागि लक्ष्मी क्यापिटललाई बिक्रि प्रबन्धक चयन गरेको छ। कम्पनीले हकप्रद निष्काशन गर्ने मिति भने तय गरिसकेको छैन ।
कम्पनीले इलाम जिल्लाको इलाम नगरपालिका वडा न.९ र १० मा माई खोला साना जलविद्युत आयोजना (४.५ मेगावाट) र माई नगरपालिका वडा न ९ मा रहेको माई साना क्यासकेड जलविद्युत आयोजना (८ मेगावाट) हाइडोपावर संचालन गरिरहेको छ ।