कान्तिपुर टेलिभिजन नेटवर्क लिमिटेडले सर्वसाधारणलाई आईपिओ निष्काशनको अनुमति माग गर्दै नेपाल धितोपत्र बोर्डमा आवेदन दिएको छ । कम्पनीले आज जेठ ३० गते बोर्डमा आवेदन दिएको हो ।
कम्पनीले एक सय रुपैयाँ अंकित दरका ७ लाख ५० हजार कित्ता शेयर निष्काशनको लागि अनुमति माग गरेको हो । कम्पनी कुल ७ करोड ५० लाख रुपैयाँ बराबरको शेयर निष्काशन गर्नको लागि अनुमति माग गरेको हो ।
शेयर निष्काशनको लागि कम्पनीले सानिमा क्यापिटललाई बिक्री प्रबन्धक तोकेको छ । बोर्डले अनुमति दिएपछि कम्पनीले आईपिओ निष्काशन गर्ने छ ।
