हिमालयन क्यापिटलले सिभिल क्यापिटललाई गाभेपछि मङ्सिर १५ गतेबाट एकिकृत कारोबार गर्ने भएको छ। हिमालयन क्यापिटलको नामबाट एकिकृत कारोबार हुने भएको हो ।
दुवै कम्पनीको भदौ २७ गते सम्पन्न विशेष साधारणसभाले मर्जर तथा प्राप्ति प्रस्ताव पारित गरेका थिए । सिभिल क्यापिटलको सम्पूर्ण सम्पति र दायित्व हिमालयन क्यापिटलले सकार्ने गरि कम्पनी रजिष्ट्रार कार्यालयबाट मङ्सिर १२ गते एकिकृत कारोबारको लागि अनुमति पाएको कम्पनीले जनाएको छ ।
हिमालयन क्यापिटलले १००:३१ को स्वापमा सिभिल क्यापिटललाई गाभ्न लागेको हो । अर्थात् सिभिल क्यापिटलको १०० कित्ता शेयर हुनेले प्राप्तिपछि हिमालयन क्यापिटलको ३१ कित्ता शेयर पाउने छन् ।
यी दुई क्यापिटलको माउ कम्पनी हिमालयन बैंक र सिभिल बैंक मर्ज भएर हिमालयन बैंक बनेसंगै सहायक कम्पनीको रुपमा रहेका यी २ क्यापिटल पनि मर्ज हुन लागेका हुन् ।
