सूर्या लाइफको बीमा शुल्क संकलन ३१ प्रतिशतले बढ्यो

बिजपाटी सम्बाददाता

बिजपाटी सम्बाददाता

Feb 11, 2020 | 12:17:27 PM मा प्रकाशित

sarbottam cement

सूर्या लाइफ Surya Life Insurance Company Limited  ले चालु आर्थिक वर्षको दोस्रो त्रैमाससम्ममा एक अर्ब ३० करोड ७१ लाख १८ हजार रुपैयाँ कुल बीमा शुल्क संकलन गरेको छ । गत आवको सोही अवधिको तुलनामा कम्पनीले बीमा शुल्क ३१ दशमलव ३६  प्रतिशत अर्थात् ३१ करोड ३१ लाख रुपैयाँले बढाएको छ ।  गत आवको सोही अवधिमा कम्पनीले ९९ करोड ५० लाख रुपैयाँ कुल बीमा शुल्क संकलन गरेको थियो ।  

यस अवधिमा कम्पनीले १६ करोड ९७ लाख रुपैयाँ दावी भुक्तानी गरेको छ । कम्पनीले ६९७ दावी वापत सो रकम भुक्तानी गरेको हो । कम्पनीमा भुक्तानी हुन बाँकी दावी रकम तीन करोड १२ लाख १५ हजार रुपैयाँ रहेको छ । भुक्तानी हुन बाँकी दावी संख्या ४५९ रहेको छ । 

बीमाङ्कीय मूल्याङ्कन अघिको कम्पनीको खुद नाफा १५ करोड १९ लाख ७३ हजार रुपैयाँ रहेको छ । बीमाङ्कीय मूल्याङ्कन पछि कम्पनीको यो नाफा फेरबदल हुन सक्ने छ । गत आवको सोही अवधिमा कम्पनीको खुद नाफा १० करोड ८२ लाख २७ हजार रुपैयाँ रहेको थियो । कम्पनीको जगेडा कोष ५६ करोड ८९ लाख रुपैयाँ पुगेको छ । अघिल्लो आवको सोही अवधिमा कम्पनीको जगेडा कोषमा ४३ करोड १४ लाख रुपैयाँ थियो । कम्पनीको जीवन बीमा कोष ६ अर्ब २१ करोड रुपैयाँ पुगेको छ । 

Share Your Thoughts

Recent News

Main News

Close in 7


Bizpati.com © 2020. All Rights Reserved