साताको तेस्रो दिन मंगलबार बजार परिसूचक नेप्से र कारोबार रकम दुवै घटेको छ। मंगलबार नेप्से ७.५४ अंकले घटेर १३५७.५७ को बिन्दुमा रोकिएको छ । आज कारोबारमा आएका १३७ कम्पनीका १० लाख ९३ हजार कित्ता सेयर खरिद बिक्रिबाट ६० करोड ४३ लाख २३ हजार रुपैयाँ बराबरको कारोबार भएको छ।
आजको कारोबारमा आएका सूचक मध्ये उत्पादन, होटेल्स, र विकास बैंक समुह बाहेकका सूचक घटेका छन् ।
आज कारोबारमा आएका कम्पनीहरु मध्ये बैंक अफ काठमाडौँ लुम्बिनीको सबै भन्दा धेरै २ करोड ३७ लाख बराबरको कारोबार भएको छ । अन्य बढी कारोबार हुनेमा नबिल बैंक संस्थापक शेयर, प्रभु बैंक, नेपाल लाइफ इन्स्योरेन्स, नेपाल बंगलादेश बैंक रहेका छन् ।
आजको कारोबारमा धेरै कमाउनेमा आईएलएफसीओ माइक्रोफाइनान्स , एक्सेल डेभलपमेन्ट बैंक, महिला सहयात्रा माइक्रोफाइनान्स, शृजना फाइनान्स, नेपाल एसबिआइ बैंकका लगानीकर्ता रहेका छन् ।
त्यस्तै बढी गुमाउनेमा सेती फाइनान्स, प्राइम लाइफ इन्स्योरेन्स , राष्ट्रिय बिमा कम्पनी, वेस्टर्न डेभलपमेन्ट बैंक, मिसन डेभलपमेन्ट बैंकका लगानीकर्ता रहेका छन् ।
सोमबार स्थानीय चुनावको मिति घोषणा भएको र त्यसले लगानीकर्ता हौसिंदा नेप्से बढ्ने अनुमान गरिएपनि त्यस बिपरित तिब्र उतार चढाव देखियेको नेप्से रातो भएर बन्द भएको हो । पहिलो १२ मिनेटमै बजार २० अंकले बढेको भएपनी त्यसपछि बजार ओरालो लागेको थियो । बजार घटेको बेला सस्तोमा खरिद गरिएको सेयर बिक्री गर्ने लगानीकर्ताको चाप थाम्न नसक्दा सूचक घटेको विश्लेषण गरिएको छ ।
त्यस्तै चुनाव घोषणा भएपनी सबैदलले समर्थन नगरेका कारण राजनीतिक अस्थिरता जारि रहने आशंकाले लगानीकर्ताको मनोबल उच्च हुन् नसकको अनुमान गर्न सकिन्छ ।