प्रमुख प्रतिपक्षी दल नेकपा एमालेको मेची महाकाली अभियान हिंसात्मक बनेको छ । अभियान अन्तर्गत आज सप्तरीको राजविराज पुगेको एमालेको आमसभा मधेशी मोर्चाले बिथोल्न खोज्दा झडप समेत भएको छ ।
स्थिति नियन्त्रणमा लिन प्रहरीले गोली चलाउँदा प्रहरीको गोली लागेर एक प्रदर्शनकारीको मृत्यु भएको छ । प्रहरीको गोली लागेर संजन मेहताको मृत्यु भएको हो । प्रहरीले अश्रु ग्याँस प्रहार गर्नुका साथ साथै गोली चलाएको हो।
मोर्चा र प्रहरीबीचको झडपमा दुई प्रहरी घाइते भएका छन् भने प्रहरीले ३० भन्दा बढी मोर्चाका नेता तथा कार्यकर्तालाई पक्राउ गरेको छ। अहिले त्यहाको अवस्था तनावग्रस्त छ भने ठुलो संख्यामा सुरक्षाकर्मी खटाइएको छ ।
