स्कुटर दुर्घटनामा परी दुई भारतीय महिलाको मृत्यु भएको छ । शुक्रबार साँझ बेलौरीको शिवनगरमा रहेको माइती भेट्न आएका उनिहरुको मृत्यु भएको हो ।
युपि २६ एए ६५३८ नं को स्कुटर कल्भर्टमा ठोक्किँदा मृत्यु भएको प्रहरीचौकी भुडाका प्रहरी सहायक निरीक्षक डम्बरसिंह कार्कीले बताए । मृत्यु हुनेमा भारतको उत्तरप्रदेशको पिलिभित जिल्ला ग्राम कम्पोजनरका २५ वर्षीय मनिषा हमाल र २३ वर्षीय पलविन्दर चौधरी रहेका छन् ।
दुवै जना माइतीलाई भेट्न आउने क्रममा स्कुटर असुन्तुलन भई कल्र्भटमा ठोक्किँदा गम्भीर घाइते भएपछि तत्कालै एम्बुलेन्समार्फत अस्पताल लैजाने क्रममा बाटोमै मृत्यु भएको उनले बताए । मृतक दुवै जनाको शव आज परिवारको जिम्मा लगाइएको छ ।
