प्रहरीको ‘मोस्ट वान्टेड’ सूचीमा रहेका नसिम खान पक्राउ परेका छन् । केन्द्रीय अनुसन्धान ब्युरो (सीआइबी) मार्फत खटिएको प्रहरी टोलीले काठमाडौंको बानेश्वरबाट सनिबार विहान १० बजे पक्राउ गरेको हो ।
कपिलवस्तुलाई केन्द्र बनाइ अपहरण, फिरौती र हत्या जस्ता ८ घटनामा संलग्न रहेको आरोपमा खानलाई पक्राउ गरिएको सीआइबीका प्रवक्ता एवम् एसपी दिपक रेग्मीले बताए ।
खानले पछिल्लो पटक २०७४ फागुनमा मोहम्मद रहमानको हत्या गरी फरार भएका थिए । पछिल्लो समय २०७४ वैशाख १३ गते मायादेवी गाउँपालिका–४ का वडाध्यक्ष फतेह मोहम्मदका छोरा ५ वर्षीय मोहम्मद अयमान मुसलमानको अपहरणपछि हत्या गरेको किटानी जाहेरी जिल्ला प्रहरी कार्यालयमा दर्ता गरिएको छ । खानविरुद् ७ वटा कर्तव्यज्यान र एउटा डाँका मुद्धा दर्ता छ ।