उर्जा,जलस्रोत तथा सिंचाईमन्त्री वर्षमान पुनले सचिवहरुसँग कार्यसम्पादन सम्झौता गरेका छन्। मन्त्री पुन उर्जातर्फका सचिव दिनेश कुमार घिमिरे र सिंचाई तर्फका सचिव डा. संजय शर्मासंग कार्यसम्पादन सम्झौता गरेका हुन।
तेस्रो चौमासिक एवं बार्षिक प्रगति समीक्षा एवं मन्त्रालयस्तरीय विकास समस्या समाधान समितिको बैठकपछि मन्त्री पुनले सचिवहरुसंग सम्झौता गरेका हुन् । मन्त्री पुनले जनताको अपेक्षालाई पुरा गर्न आफु पनि अहोरात्र खट्ने भन्दै मातहतका निकायलाई परिणाम दिने गरी काम गर्न निर्देशन दिए । उनले सरकारले अघि सारेको योजनालाई मन भित्रैबाट पुरा गर्न मातहतका निकायलाई निर्देशन दिए ।
मन्त्री पुनले प्रक्रिया मात्र नभई तालिका बनाएर नै काम गर्न निर्देशन दिदै काम नगरे कसैलाई पनि जिम्मेवारीमा नराख्ने चेतावनी दिएका छन् । उनले भने ' पद ओगटेर मात्र वस्न कसैलाई पनि छुट छैन, सचिव र मन्त्री पनि पदमा टिक्नैपर्छ भन्ने छैन् ।’ मन्त्री पुनले हरेक महिना मन्त्रालयमा समिक्षा वैठक राखेर कामको प्रगती विवरण लिने घोषणा समेत गरेका छन्।
