नेकपा प्रचण्ड माधव समुहका अध्यक्ष तथा पुर्व प्रधानमन्त्री पुष्पकमल दाहाल प्रचण्डले आफ्नो विभाजित दल, कांग्रेस र जनता समाजवादी पार्टी मिलेर समीकरण बनाउँदा भारत र चीनका लागि ‘कम्फर्टेबल’ हुने बताएका छन् ।
प्राइम टेलिभिजनको जनता जान्न चाहन्छन भन्ने कार्यक्रममा प्रस्तोता ऋषि धमलाको प्रश्नको उत्तर दिने क्रममा प्रचण्डले राम्रो समझदारी नबनाइकन नेपालमा स्थायित्व र विकास नहुने बताउदै यस्तो बताएका हुन्।
‘हामी, नेपाली कांग्रेस र जनता समाजवादी पार्टी मिल्नु भनेको भारतका लागि यो भन्दा कम्फर्टेबल हुँदैन । चीनका लागि पनि यो कम्फर्टेबल नै हुन्छ । राम्रो सम्भावना अहिले छ । यो राम्रो सम्भावनामा जानुपर्यो भनेर मैले भनेको छु’ प्रचण्डले भने।
भारतसँग राम्रो सम्बन्ध नबनाइकन विकास र समृद्धि चुनौतिपूर्ण हुने उल्लेख गर्दै दाहालले भारतप्रति नकारात्मक सोच राखेर आफूले केही पनि नगरेको दाबी गरे । भारतसँग सम्बन्ध सुमधुर बनाउनुपर्छ र आपसी विश्वासको धरातल सिर्जना गर्नुपर्छ भन्ने आफ्नो मान्यता रहेको उनको भनाइ छ।
संसदले यथासम्भव छिटो नयाँ प्रधानमन्त्री दिने र सहमतिका साथ नेपालले नयाँ प्रधानमन्त्री पाउने समेत दाहालले बताए। प्रधानमन्त्री बन्ने इच्छा नभएपनि सहमति जुट्दा र सबैबीच समझदारी बन्दा आफु प्रधानमन्त्री बन्ने प्रचण्डले संकेत गरे।
त्यस्तै प्रचण्डले गिरिजाप्रसाद कोइरालालाई राष्ट्रपति स्वीकार नगर्नु आफ्नो राजनीतिक जीवनमा एउटा गम्भीर गल्ति भएको बताएका छन्। थप पढ्नुहोस...
