.gif)
प्रधानन्यायाधीश चोलेन्द्रशमशेर जबरा आज सर्वोच्च अदालतमा हाजिर हुन जान लागेका छन् । उनी प्रधानन्यायधीश कै हैसियतमा सर्वोच्च जान लागेका हुन् ।
संसदमा उनी विरुद्द दर्ता भएको महाअभियोग प्रस्ताव निष्क्रिय भएसँगै उनी अदालत जान लागेका हुन् । संसदका महासचिव डा. भरतराज गौतमले उनलाई महाअभियोग निष्क्रिय भएको पत्र दिएका छन् । संसद सचिवालयले आफूविरूद्धको महाअभियोग प्रस्ताव निष्प्रभावी भएको भन्दै पत्र दिएको जबराले बताएका छन् ।
संसदको पत्र पाएपछि उनी आज नै अदालतमा हाजिर हुन जान लागेका हुन्। उनले मङ्सिर २७ गते अनिवार्य अवकाश पाउँदैछन् । २८ मंसिर २०१४ मा जन्मिएका जबरा ६५ वर्षे उमेर हदका कारण सेवानिवृत्त हुनेछन्।
गत १ फागुनमा उनीविरुद्ध ९८ जना सांसदले महाभियोगको प्रस्ताव दर्ता गराएका थिए। तर, ढिलोगरी प्रतिनिधिसभा बैठकमा महाअभियोग प्रस्ताव पेस गरेको र छिनोफानो हुनुअघि नै तत्कालीन प्रतिनिधिसभा विघटन भयो । जसकारण जबराविरुद्धको महाअभियोग प्रस्ताव अलपत्र परेको थियो।
.gif)
