नेकपा एमालेका अध्यक्ष केपी शर्मा ओलीले नयाँ सत्ता गठबन्धन ४ वर्ष नै टिक्ने बताएका छन् । एमालेको केन्द्रीय कार्यालय च्यासलमा शुक्रबार बसेको सचिवालय बैठकमा यो गठबन्धन चारै वर्ष टिक्ने विश्वास उनले व्यक्त गरे ।
नयाँ सत्ता गठबन्धन बनेपछि सो गठबन्धन कहिलेसम्म निरन्तरता रहन्छ भन्ने आम चासोका बीच अध्यक्ष ओलीले यस्तो विश्वास व्यक्त गरेका हुन् । प्रधानमन्त्री पुष्पकमल दाहाल प्रचण्डले म नमुरुन्जेलसम्म उथलपुथल भईरहन्छ भन्ने अभिव्यक्ति र उनको सत्ता समिकरण फेर बदलको ट्र्याक रेकर्डका आधारमा मानिसहरुले यो समिकरण पनि धेरै लामो समयसम्म नटिक्ने हो कि भन्ने आशंका गर्ने गरेका छन् । सोहि आशंक मेटनलाई शुक्रबार अध्यक्ष ओलिले सत्ता गठबन्धन आगामि चुनावसम्म टिक्ने बताएका हुन् ।
नेकपा माओवादी केन्द्रलाई कांग्रेससँगै राख्न अनेक शक्ति केन्द्र लागेको ब्रिफिङ ओलीको थियो । ‘हामीसँग माओवादीको गठबन्धन नहोस् भनेर विभिन्न शक्ति केन्द्र लागेका थियो, अहिले सक्रिय छन्’, ओलीले भनेका छन् ।
तर ती शक्ति केन्द्रहरु आफै परास्त गर्नेगरी नयाँ गठबन्धन बनेको अध्यक्ष ओलीले बताए । ‘अब जो जतिसुकै लागे पनि हामी चार वर्ष यो गठबन्धनलाई टिकाउँछौ, त्यसमा अरु दलहरु पनि प्रतिबद्ध छ’, ओलीले भनेका थिए ।
माओवादी केन्द्रसहित दलहरुसँग साझेदारी गर्दै सत्ताको यात्रा अगाडि बढाउने निर्णय गर्नेगरी आजको बैठक बसेको थियो । ‘हामी सरकारमा सहभागी भइसकेका छौं । तर त्यसबारे निर्णय गर्न बाँकी थियो’ ती पदाधिकारी भन्छन्, ‘अध्यक्षले सरकारमा सहभागी हुनु अगाडि माओवादीसँग कुराकानी गर्ने कुरा समेत गोप्य राख्नुपर्ने कारण परिस्थिति नै भएको बताउनुभयो ।’
