.gif)
सिभान्स फुड प्रडक्टले शिवरात्रीको अवसर पारेर पाहुना बाबाहरुलाई निःशुल्क आइसक्रिम वितरण गरेको छ । प्रडक्टले ‘पार्की आइसक्रिम’ बाबाहरुलाई निःशुल्क वितरण गरेको हो ।
कम्पनीले पशुपति क्षेत्रमा पुगेर १ लाख मुल्य बराबरको आइसक्रिम निःशुल्क वितरण गरेको जनाएको छ ।
विभिन्न अवसरहरुमा निःशुल्क आइसक्रिम वितरण गर्दै आएको पार्की आइसक्रिमले केही दिन अघिमात्र राष्ट्रिय आइसक्रिम दिवसको अवसर पारेर १ लाख रुपैयाँ बराबरीकै आइसक्रिम वितरण गरेको थियो ।
गएको कृष्ण जन्मअष्टमीको अवसर पारेर पनि पार्की आइसक्रिमले कोटेश्वरको महादेब मन्दिर परिसरमा खटिएका स्वयंम् सेवकलाई निःशुल्क आइसक्रिम वितरण गर्नुका साथै पार्की ब्राण्डको प्रिन्टेड टिसर्ट वितरण गरेको थियो ।
विशेषगरी भारतबाट आएका पाहुना बाबाहरुलाई लक्षित गरेर शिवरात्रीको दिन पशुपति परिसरमा गई एक लाख बराबरको निःशुल्क आइसक्रिम वितरण गरेको प्रबन्ध निर्देशक मुरारी कुमावतले जानकारी दिए ।
बाबाहरुले आइसक्रिमको स्वादिलो भएको र प्रगतिको लागि शुभकामना दिए ।
पार्की आइसक्रिम हाल चकलेट, भेनिला, स्ट्रेबरी, मिन्ट, फ्रुट, बटर स्कचलगायतका ४० प्रकारका स्वादहरुमा उपलब्ध छन् ।
