नेपाल बिद्युत प्राधिकरणले एक साथ करिब ७ सय नयाँ कर्मचारी आह्वान गरेको छ । प्राधिकरणले विभिन्न १३ पदको लागि कर्मचारी माग गरेको हो । प्राधिकरणले १० औ तहको अधिकृत देखि तेस्रो तहसम्मको टेक्निसियनको लागि नयाँ भर्ना आह्वान गरेको हो ।
जस अनुसार अधिकृत पदमा ११, सहायकमा ४१, लेखापालमा ३७, सुपरभाइजरमा ८५, मिटर रिडरमा ६७, सहायक लेखापालमा ५२, फोरम्यानमा ११, जुनियर टेक्निसियन २, जुनियर मिस्त्री ७ र २८४ जना इलेक्ट्रीसियन माग गरेको हो ।
प्राधिकरणले साउन २ गतेसम्म र दोब्बर दस्तुर तिरेर साउन ९ गतेसम्म आवेदन फारम बुझाउन आग्रह गरेको छ ।
प्राधिकरणले अन्तरिक बढुवाको लागि समेत सूचना प्रकाशित गरेको छ । थप जानकारीको लागि प्राधिकरणको पदपूर्ति ०१-४१५३०६५ वा ०१-४१५३०६४ मा सम्पर्क गर्न सकिने प्राधिकरणले जनाएको छ । 
