नेपाल प्रहरीले ३ सय ६० जनशक्ति माग गर्दै नयाँ भर्ना खुलाएको छ। प्रहरी प्रधान कार्यालय मानवस्रोत भर्ना एवम् प्रशासन विभागले विज्ञापन खुलाएको हो।
विभागले कार्यालय सहयोगीका रुपमा भान्छे, माली, हजाम, सिलाइबुनाई, कुचीकार र खेलाडी गरी ३ सय ६० जनशक्ति माग गरेको हो। १८ वर्ष उमेर पुरा भई २५ वर्ष ननाघेका नेपाली नागरिकले आवेदन दिन सक्नेछन्।
योग्यता पुगेका इच्छुक नेपाली नागरिकले पुस ६ गतेसम्म ७७ वटै जिल्लाका प्रहरी कार्यालय र प्रदेशका विभिन्न तालिम केन्द्रहरुबाट आवेदन दिन सक्ने छन्।
