अमेरिकामा कोरोनाबाट ज्यान गुमाउनेको संख्या २० हजार नाघेको छ । शनिवार एकै दिन १८३० जनाको मृत्यु भएपछि मृतकको संख्या २० हजार नाघेको हो ।
यो समाचार तयार पार्दासम्म अमेरिकामा २० हजार ५ सय ७७ जनाले ज्यान गुमाएका छन् । यस संगै अमेरिका कोरोनाबाट सबै भन्दा धेरै नागरिक गुमाउने देश बनेको छ । मृतकको संख्याको आधारमा अमेरिकाले इटालीलाई उछिनेको हो । इटालीमा मृतकको संख्या १९ हजार ४ सय ६८ रहेको छ । त्यस्तै हालसम्म स्पेनमा १६ हजार ६ सय ६, फ्रान्समा १३ हजार ८ सय ३२ जनाको मृत्यु भएको छ ।
अमेरिकामा संक्रमितको संख्या ५ लाख ३२ हजार नाघेको छ । शनिवार मात्रै अमेरिकामा ३० हजार बढीमा संक्रमण देखिएको छ ।
विश्वभर संक्रमितको संख्या १७ लाख ८० हजार नागेको छ भने ति मध्ये ४ लाख ४ हजार उपचारपछि निको भएर घर फर्किएका छन् । हालसम्म विश्वभर कोरोनाको कारण १ लाख ८ हजार ८ सय २८ जनाको मृत्यु भएको छ ।