भारत र पाकिस्तानको सीमा क्षेत्र काश्मिरमा दुई देशका सेनाबीच झडप हुँदा तीन जनाको ज्यान गएको भारतले दाबी गरेको छ । भारतीय सेनाका प्रवक्ता कर्णेल राजेश कालियाले एक विज्ञप्ति जारी गर्दै कश्मीरको कुपवाडा जिल्लाको रिहाइशी क्षेत्रमा झडप हुँदा एक महिलासहित तीन जनाको ज्यान गएको दाबी गरेका छन् ।
भारतीय सेनाले पाकिस्तानी सेनासँग नियन्त्रण रेखामा एक हप्तासम्म झडप भएको र पाकिस्तानी सेनाले आइतबार मोटार आक्रमण गरेको दाबी गरेपनि पाकिस्तानी सेनाले भने त्यसको खण्डन गरेको छ । पाकिस्तानी सेनाले सन् २००३ मा भएको युद्धविरामको भारतीय सेनाले उल्लङ्घन गरेको आरोप लगाएको छ ।
