ब्रिटेनले फाइजर कम्पनीले बनाएको कोरोना भाइरस बिरुद्दको खोपको प्रयोगको लागि अनुमति दिएको छ । ब्रिटिश नियामक संस्था एमएचआरएले फाइजर र बायोटेक कम्पनीले संयुक्त रुपमा बनाएको खोपले कोरोनाबाट ९५ प्रतिशत सुरक्षा प्रदान गर्ने भएको अनुमति दिइएको बताएको हो ।
यस संगै फाइजरको खोप प्रयोगको लागि अनुमति दिने ब्रिटेन पहिलो देश बनेको छ । यस संगै अब केहि दिन मै ब्रिटेनका नागरिकलाई यो खोप लगाउन थालिने भएको छ । ब्रिटेनले ४ करोड वटा खोप माग गरिसकेको छ । हरेक व्यक्तिलाई २ पटक खोप दिईने भएकोले २ करोड नागरिकलाई खोप लगाईने भएको छ ।
फाइजरले १० महिना मै कोरोनाको खोप बनाएको हो । सामान्यतया कुनै पनि रोगको खोप बनाउन १ दशकसम्म लाग्ने गरेकोमा फैजरले १० महिनाको छोटो अवधि मै खोप बनाएको हो ।