इजिप्टको सूइज नहरमा तेर्सो परेर अड्किएको विशाल पानी जहाजलाई साविक कै रुटमा फर्काउने प्रयास सफल भएको छ । पानी जहाज अड्किएको ६ दिनपछि ८० प्रतिशत भाग सिधा पारिएको अन्तराष्ट्रिय संचारमध्यमहरुले जनाएका छन् ।
अल जजिराका अनुसार जहाजलाई ८० प्रतिशत सिधा पारिएको छ। यस अघि उक्त जहाजको पछाडीको भाग किनारबाट ४ मिटरको दुरीमा रहेकोमा अहिले जहाजको पछाडीको भागलाई किनारबाट १०२ मिटरको दुरीमा पुर्याईएको छ। यद्यपि अझै पनि जहाज चल्न थालेको छैन । जहाज चल्नको लागि अझै समय लाग्ने बताईएको छ । जहाज अड्किएपछि अझै पनि ४ सय भन्दा बढी पानीजहाजहरुले सो मार्ग हुदै गन्तब्यमा पुग्नको लागि पर्खिरहेका छन् ।
१९३ किलोमिटर लामो यो नहरबाट यस वर्ष प्रतिदिन ५१.५ का दरले पानीजहाज ओहोरदोहोर गरेका छन्। सूइज नहरबाट सन् २०२० मा मात्रै १९ हजार पानीजहाज ओहोरदोहोर गरेका थिए। एशिया र युरोपबीच सबैभन्दा छोटो जलमार्ग हुने यो बाटोबाट विश्वको १२ प्रतिशत व्यापार हुँदै आएको छ ।
