आफ्ना देशका नागरिक लिन अफगानिस्तानको राजधानी काबुल पुगेको युक्रेनी विमान अपहरणमा परेको छ । आफ्ना नागरिक लिन गएको विमान विमानस्थलबाटै अपहरणमा परेको युक्रेनले दाबी गरेको छ ।
रुसी न्युज एजेन्सी तासले युक्रेनका उपविदेशमन्त्री यवगेनी यसिनिनलाई उधृत गर्दै लेखेको समाचारमा आफ्ना नागरिक लिन काबुल पुगेको युक्रेनी विमान सशस्त्र समूहले अपहरण गरी इरानतर्फ लगेको जनाएको छ ।
तर इरानले भने विमान अपहरण भएको नभई इन्धन भर्न मसहद सहर आएको बताएको छ ।
युक्रेनका उपविदेशमन्त्री यवगेनीले भने उक्त विमान अज्ञात यात्रु लिएर इरानतर्फ गएको तर त्यसमा युक्रेनी नागरिक नरहेको बताएका छन् ।
