श्रीलंकाको केन्द्रीय बैंकले
आफ्नो मुद्रा श्रीलंकन रुपैयाँलाई कमजोर बनाएको छ । देशमा विदेशी विनिमय संचित घट्दै गएर अर्थतन्त्र नै जटिल
मोडमा पुगेपछि केन्द्रीय बैंकले विदेशी संचिति बढ्ने अपेक्षामा मुद्राको अवमूल्यन गर्दै थप कमजोर
बनाएको हो ।
केन्द्रीय बैंकले श्रीलंकन रुपैयाँको सटही दर १ डलर बराबर २३० रुपैयाँ कायम
गरेको हो । गत
अक्टोबरदेखि १ डलर बराबर
२०३ रुपैयाँ बराबरको सटही दर रहेकोमा केन्द्रीय दरले आफ्नो मुद्रालाई थप कमजोर
बनाउदै १ डलर खरीद गर्न २३० रुपैयाँ चाहिने बनाएको हो ।
मुद्रालाई कमजोर बनाउँदा
रेमिट्यान्सको मार्फत धेरै विदेशी संचिति प्राप्त हुने केन्द्रीय बैंकको विश्वास छ । उदाहरणको लागि यदि कसैले १ डलर रेमिटेन्स पठाउँदा यस अघि २०३
रुपैयाँ पाउने थियो भने अब १ डलर बराबर २३० रुपैयाँ पाउने छ । थप रुपैयाँ पाउने भएपछि रेमिटेन्स बढ्ने केन्द्रीय बैंकको अपेक्षा
छ । त्यस्तै मुद्रा कमजोर बनाउँदा
देशमा वैदेशिक लगानी पनि आकर्षित हुन्छ । वैदेशिक लगानी र रेमिटेन्स मार्फत थप विदेशी विनिमय संचिति प्राप्त
गर्ने श्रीलंकाको लक्ष्य छ ।
समाचार संस्था रोयटर्सका अनुसार
श्रीलंकामा रेमिटेन्स नै विदेशी मुद्रा आर्जनको प्रमुख स्रोत हो । सन् २०२१ मा श्रीलंकामा रेमिटेन्स आप्रवाह १० वर्ष यता कै कम थियो । सन् २०२१ मा श्रीलंकामा ५.४९ बिलियन डलर मात्र रेमिटेन्स भित्रिएको थियो , जुन १० वर्ष यता कै कम हो
गत जनवरीमा श्रीलंकाको विदेशी विनिमय संचिति घटेर २.३६ बिलियन डलर पुगेको थियो । श्रीलंकाले तिर्न बाँकि विदेशी ऋण भने ६ बिलियन डलर रहेको छ ।
ब्लुमबर्गका अनुसार श्रीलंकामा १५ प्रतिशत मुद्रास्फीति दर छ । हाल श्रीलंकासँग आयात गरिएको पेट्रोलियम पदार्थ वापतको पैसा तिर्न पनि बिदेशी मुद्राको संचिति छैन ।
केहिले भने अर्थतन्त्र धेरै नै खराब अवस्थामा पुगेकोले केन्द्रीय बैंकले मुद्रालाई थप कमजोर बनाई प्रति डलर २५० देखि २६० डलरसम्म कायम गरिनु पर्ने बताएका छन् ।