श्रीलंकाको
प्रधानमन्त्रीमा रनिल विक्रमासिंघे नियुक्त भएका
छन् ।
बिहीबार
नयाँ प्रधानमन्त्रीका रुपमा राष्ट्रपति गोटबाया राजापाक्षेले रनिल विक्रमासिंघेलाई
नियुक्त गरेका हुन् । उहाँ श्रीलंकाको पूर्व प्रधानमन्त्री रही सकेका छन् ।
विक्रमासिंघे
श्रीलंकामा पटक पटक प्रधानमन्त्री भैसकेका छन् । उनले नयाँ प्रधानमन्त्रीका
रूपमा राष्ट्रपति बिहीबार नै सपथ गराएको बताइएको छ ।
हाल
श्रीलंका चरम आर्थिक संकटबाट गुज्रिरहेको छ । श्रीलंकामा महिन्दा राजापाक्षेले प्रधानमन्त्री
पदबाट केही दिनमात्र अघि राजीनामा दिएका थिए ।
राजापाक्छेको
राजीनामा मागेर देशमा आन्दोलन पनि भएको थियो । त्यसपछि उहाँले वैशाख २६ गते आफ्ना भाइसमेत
रहेका राष्ट्रपति गोटवाया राजापाक्षेलाई राजीनामा बुझाएका
थिए ।
आर्थिक
संकटका कारण हाल श्रीलंका खाद्यान्न,
इन्धन र औषधिको समेत चर्को अभाव भएको छ । विविध कारणहरुले देश आर्थिक
संकटमा फसेको छ ।
महिन्दा
राजापाक्षेले सोमबार प्रधानमन्त्री पदबाट राजीनामा दिएपछि पनि यसलगत्तै राजधानी कोलम्बोमा
दंगा फैलिएको थियो ।
यहाँ
आन्दालेनका कारण हिंसामा परेर कम्तीमा नौ जनाको मृत्यु हुनुको साथै दुई सय भन्दा बढी
घाइते भएका छन् । नयाँ प्रधानमन्त्री विक्रमासिंघे यहाँको युनाइटेड नेशनल पार्टीका
नेता हुन् ।
उनी लामो
समयदेखि राजनीतिमा सक्रिय छन् ।
विक्रमासिंघेलाई यहाँको अर्काे राजनीतिक परिवार राजापाक्षेहरूको निकट पनि मानिन्छ ।
त्यसैले पनि उनलाई प्रधानमन्त्रीका
रूपमा चुनिएको विज्ञहरूको भनाइ छ रहेको छ ।
