नेपालका लागि चिनियाँ राजदूत होउ यान्छीले चार वर्षे
कार्यकाल गरेकी छन् । उनले मंगलबार
सामाजिक सञ्जाल ट्विटरमा स्टाटस लेख्दै आफूले थप गरेको एक वर्षे कार्यकाल पूरा गरी छिमेकी देशबाट बिदा हुन लागेको बताएकी छन् ।
नेपालमा रहँदा उनले पाएको माया र सदभावका लागि उनले नेपालीलाई धन्यवाद दिएकी छन् । उनले भनेकी छन् सुन्दर देश नेपालमा बस्दा आफूले आनन्द
महसुस गरेको र त्यो अनुभव र माया बोकेर जान लागेको बताएकी छन् ।
चीन सरकारले राजदूत होउलाई बढुवा गरी दक्षिण पूर्वी
एसियाली देशहरूको संगठन आसियान हेर्ने गरी इन्डोनेसियाको राजदूत बनाएको छ ।
होउ यान्छी फर्केसँगै नेपालका लागि नयाँ चिनिया राजदूतमा को
आउने भनेर चीन सरकारले अझै निर्णय गरेको छैन । यान्छी सन् २०१८ को डिसेम्बरमा
नेपालका लागि चिनियाँ राजदूतका रूपमा नेपाल आएकी थिइन् । उनले गत असोजमा
राष्ट्रपति विद्यादेवी भण्डारी, प्रधानमन्त्री शेरबहादुर देउवादेखि राजनीतिक दलका शीर्ष
नेताहरूसँग बिदाइ भेट गरेकी थिइन् ।