टुँडिखेल जोगाउन शुरु भएको ‘अकुपाई टुँडिखेल अभियान’ले शनिबार खुलामञ्चमा सरसफाइ गरेको छ । अभियान्ताले शनिबार डोजर लगाएरै खुलामञ्च सम्याएका छन् । फोहोरको डंगुर र माटो थुपारिएरको खुलामञ्च डोजरले सम्याएपछि केही सफा देखिएको छ ।
अतिक्रमणले काठमाडौँको एक मात्र खुला ठाउँ टुँडिखेल नै मासिने अवस्था आएको भन्दै गत कात्तिक २३ गतेदेखि ‘अकुपाई टुँडिखेल अभियान’ सुरु गरिएको थियो । कुनै समय एसियाकै ठूलो परेड मैदानका रुपमा चिनिने टुँडिखेलको बहु हिस्सा अहिले सरकारी निकायहरुकै नियन्त्रणमा छ ।
