एभरेष्ट बैंकले आकर्षक ब्याजदरमा सौगात बचत खातालाई पुनः सुरुवात गरेको छ। बचत तथा मुद्धती खाता दुबैको मिश्रण भएको यस खातामा स्वीप इन र स्वीप आउटको सुबिधा रहेको बैंकले जनाएको छ।
उपभोक्ताले यस खातालाई बचत खाताको रुपमा प्रयोग गर्न सक्ने र लामो अवधिको लागी रहने रकममा अति आकर्षक ब्याजदर पाउने बैंकले जनाएको छ। यस खातामा उपभोक्ताले ७% देखि ९% सम्म ब्याज प्राप्त गर्दछन् ।
बैंकले हाल आफ्ना ६१ वटा शाखाहरु, ५ एक्सटेन्सन काउन्टर, २४ राजस्व संकलन काउन्टर र ८५ एटिएम तथा बृहत बाह्य सन्जाल मार्फत बैंकिङ सेवाहरु प्रदान गर्दै आइरहेको छ । बैंकले एसियन पेन्टस् न्युबिज “बेस्ट म्यानेज्ड कमर्सियल बैंक अवार्ड २०१३” का साथै आ.ब. २०६८÷०६९मा “वाणिज्य बैंक मध्येमा सर्वाधिक करदाता” को सम्मान प्राप्त गरेको थियो।