संसदीय समितिले नेपाल आयल निगममा बोनस बाँड्ने काम तत्काल स्थगित गर्न निर्देशन दिएको छ । व्यवस्थापिका संसदअन्तर्गतको आपूर्ति तथा उपभोक्ता हित उपसमितिको बुधबार बसेको बैठकले निगममा बोस बाँड्ने काम तत्काल स्थगित गर्न सरकार र अर्थ मन्त्रालयलाई पुनः निर्देशन दिएको हो ।
समितिले यस अघि पनि मन्त्रालयलाई घाटाका गएका सार्वजनिक संस्थानहरुमा बोनस बाँड्न नदिन निर्देशन दिएको थियो । नेपाल आयल निगमलाई बोनस बाँड्न रोक लगाउन अख्तियार दुरुपयोग अनुसन्धान आयोग र महालेखा परिक्षकको कार्यालयले पनि सरकारलाई निर्देशन दिईसकेको छ ।
उपसमितिले बोनस ऐन र सार्वजनिक संस्थानहरुमा देखिएको समस्या तत्काल समाधान गर्न पनि सरकारलाई निर्देशन दिएको छ । बैठकले नेपाल आयल निगमलाई भण्डारणको कामलाई व्यवस्थित बनाउन पनि निर्देशन दिएको छ ।
