महालेखा परीक्षकको कार्यालयले नागरिक लगानी कोषलाई ७ दिन भित्र लेखापरीक्षण गर्न निर्देशन दिएको छ । आज महालेखा परिक्षकले नागरिक लगानी कोषका अध्यक्षसंग छलफल गर्दै लामो समयदेखि कोषको लेखा परीक्षण नहुनु गम्भिर विषय भएको भन्दै ७ दिन भित्र लेखापरीक्षण गर्न निर्देशन दिएका हुन् ।
त्यस्तै महालेखा परीक्षकले बीमा समितिका अध्यक्ष, कार्यकारी प्रमुख लगायतसँग छलफल गर्दै राष्ट्रिय बीमा संस्थानको लेखा परक्षिण नहुनु पनि गम्भिर भएको बताएक छन् । महालेखा परीक्षकले कानुन बमोजिम अनुगमन कार्यलाई प्रभावकारी वनाउन र लामो समय देखि हुन नसकेको बिमा संस्थानको लेखा परीक्षण भदौ मसान्त भित्र सक्न निर्देशन दिएका छन् ।
तोकिएको समयमा लेखा परिक्षण नगरे थप कारबाही हुने समेत महालेखा परिक्षकको कार्यालयले जनाएको छ ।
