आईसीसी विश्वकप क्रिकेट २०१९ सुरु हुन अब एक दिन मात्र बाँकि छ । ३० मे अर्थात जेठ १६ गतेबाट १२ औँ संस्करणको आईसीसी विश्वकप क्रिकेट इंग्ल्याण्ड र वेल्समा सुरु हुँदैछ ।
उद्घाटन खेलमा इंग्ल्याण्ड र साउथ अफ्रिका भिड्ने छन् । सन् १९७५ देखि सुरु भएको आईसीसी विश्वकप क्रिकेट खेल प्रत्येक ४ बर्षमा हुने गर्दछ । ४६ दिनसम्म चल्ने प्रतियोगितामा १० टिमले प्रतिस्पर्धा गर्ने छन् ।
आईसीसी विश्वकप क्रिकेटको १२ औँ संस्करणको विजेता टिमले ४ मिलियन डलर प्राप्त गर्नेछ । साथै दोश्रो हुने टिमले २ मिलियन डलर रकम पुरस्कार जित्नेछन् । यसैगरि तेस्रो र चौथो हुने टिमले समान ८ लाख डलर पुरस्कार जित्नेछन् । प्रत्येक लिग चरणको खेल जित्ने टिमले एक जित बराबर ४० हजार डलर रकम प्राप्त गर्नेछ । लिग चरण पार गर्न नसक्ने ६ टिमले समान १ लाख डलर रकम प्राप्त गर्नेछ । यस हिसाबमा कुनै टिमले सबैले खेल हारेको खण्डमा पनि न्युनतम १ लाख डलर अर्थात् १ करोड १० लाख नेपाली रुपैयाँ पाउने छन् । आईसीसी विश्वकप २०१९ को फाइनल खेल जुलाई १४ मा लर्ड्स मैदानमा हुनेछ ।
यस्तो छ पुरस्कार राशीको विवरण ।
