वेस्ट इन्डिज क्रिकेट विश्वकपबाट बाहिरिएको छ । भारतसंग फराकिलो अन्तरले हार बेहोरेपछि वेस्ट इन्डिज २ खेल अगावै प्रतियोगिताबाट बाहिरिएको हो । वेस्ट इन्डिज प्रतियोगिताबाट बाहिरिने तेस्रो टिम बनेको छ । अफगानिस्तान र साउथ अफ्रीका यस अघि नै बाहिरिसकेका छन् ।
बिहिबार भएको खेलमा भारतले वेस्ट इन्डिजलाई १२५ रनको फराकिलो अन्तरले पराजित गरेको हो । टस जितेर पहिले ब्याटिंग गरेको भारतले निर्धारित ५० ओभरमा ७ विकेटको क्षतिमा २६८ रन जोड्यो । भारतको लागि कप्तान वीराट कोहलीले सर्बाधिक ७२, धोनीले ५६, केएल राहुलले ४८ तथा हार्दिक पाण्डेले ४६ रन जोडे ।
२६९ रनको विजयी लक्ष्य लिएर मैदान उत्रेको वेस्ट इन्डिज ३४.२ ओभर मै अल आउट हुदै १४३ रन मात्र जोड्न सक्यो । वेस्ट इन्डिजको लागि सुनिल एमब्रिसले सर्बाधिक ३१, निकोलस पुरणले २८ तथा शिमरोन हिटमायरले १८, कोट्रेलले १० तथा कमार रोचले १४ रन बनाउनु बाहेक अरु खेलाडीले दोहोरो अंकको रन बटुल्न सकेनन ।
वेस्ट इन्डिजलाई सस्तैमा समेट्ने क्रममा भारतका मोहम्मद शामीले ४ , युजवेन्द्र चहाल र जसप्रित भुमराहले समान २-२ तथा कुलदिप यादव र हद्रिक पाण्डेले समान १-१ विकेट लिए ।
जित संगै भारत ६ खेलबाट ११ अंक सहित अंक तालिकाको दोस्रो स्थानमा उक्लिएको छ । भारत प्रतियोगितामा हालसम्म एक मात्र अपराजित टोली हो ।
यस्तो छ ताजा अंक तालिका :
