चितवनको दक्षिण–पश्चिम क्षेत्रमा पर्ने पटिहानीमा डेंगु तथा स्क्रब टाइफसको संक्रमण बढिरहेकाबेला चितवनमा कीटजन्य रोगको अवस्था पत्ता लगाउन विज्ञद्वारा अध्ययन (भेक्टर सर्भे) थालिएको जिल्ला जनस्वास्थ्य कार्यालय चितवनले जनाएको छ । ‘तीन दिनदेखि यहाँ कीटजन्य रोग सार्ने लामखुट्टे, भुसुना छ कि छैन भनेर अध्ययन भइरहेको छ’, साथै हेटौंडाबाटसमेत विशेषज्ञ टोली संलग्न छन्।कार्यालयका कीट नियन्त्रण निरीक्षक रामकुमारले बताए।
गत वैशाखमा चितवनको पटिहानीमा डेंगु रोगका कारण एकजनाको ज्यान गएको थियो । सोही क्षेत्र आसपास तथा छितामाई क्षेत्रमा अध्ययन भइरहेको केसीले बताए ।मुख्यगरी डेंगु, मलेरिया, जापनिज इन्सेफ्लाइटिस, कालाजार लगायत रोग सार्ने लामखुट्टे तथा भुसुनाको अध्ययन भइरहेको जनाइएको छ ।
कीटजन्य रोग अनुसन्धान तथा तालिम केन्द्रका इन्टोमोलोजिस्ट शिशिर पन्तको नेतृत्वमा इन्सेक्ट कलेक्टर टोली परिचालन भएका छन् ।उक्त तालिम केन्द्र र जिल्ला जनस्वास्थ्य कार्यालयले एकीकृत सर्भे सुरु गरेको जनस्वास्थ्य कार्यालयका सूचना अधिकारी नरहरि शर्माले जानकारी दिए ।
नेपालमा सबैभन्दा बढी स्क्रब टाइफस र डेंगु मलेरिया लगायत रोगको संक्रमण चितवनमा देखिँदै आएको छ।चितवनमा अहिलेसम्म डेंगुबाट ६२१ जना बिरामी भएका छन् भने स्क्रब टाइफसबाट ४७१ जना समेत बिरामी परेका छन् ।
