बंगलादेशबाट दुबईको लागि उडेको विमान अपहरण प्रयास भएको छ । बंगलादेशको सरकारी वायुसेवा कम्पनी विमान बंगलादेशको यात्रु वाहक विमान अपहरणको प्रयास भएको हो। अपहरणको प्रयास भएपछि चितगोंग शहरमा उक्त विमानको आपतकालीन अवतरण गराइएको छ।
विमान उडेको केहि बेरमै एक व्यक्तिले बन्दुक देखाएर विमान अपहरण गर्न खोजेको र आफुसंग बम भएको दाबी गरेका बंगलादेशी संचार माध्यमहरुले बताएका छन् ।
राजधानी ढाकाबाट दुबईतर्फ उडिरहेको सो विमान फ्लाइट बीजी १४७ मा १ सय ४२ जना यात्रु सवार थिए। सुरक्षाकर्मीहरूले विमानलाई घेरा हालेका छन्। संदिग्ध अपहरणकारीसँग सोधपुछ गर्ने प्रयास भइरहेको छ। सबै यात्रुहरूलाई सुरक्षित रूपमा विमानबाट बाहिर निकालिएको विवरणहरूमा जनाइएको छ।
