भारतीय वायु सेवाको सम्पर्कबिहिन विमान १० घण्टासम्म पनि फेला परेको छैन । भरतीय वायु सेवा निगमको जहाज सोमबार दिउँसो १ बजेदेखि सम्पर्क बिहिन भएको हो । भारतको उत्तर पूर्वी राज्य असामबाट उडेको उक्त विमान भारतीय समय अनुसार १ बजेदेखि सम्पर्कबिहिन भएको हो । उडेको आधा घण्टा मै विमान हराएको हो ।
विमानमा ८ जना चालक दलका सदस्य ५ जना सैनिक रहेको बुझिएको छ । विमान अरुनान्चल प्रदेशको चिनियाँ सीमा नजिक ल्याण्ड गर्ने तालिका रहेको थियो ।
उक्त विमान दुर्घटनामा परेको आशंका गरिए पनि हालसम्म पनि कुनै दुर्घटना स्थल भेटिएको छैन । विमानको खोजी कार्यको वायु सेनाले अत्याधुनिक विमान र हेलिकप्टर प्रयोग गरिरहेको छ ।
जुलाई २०१६ मा पनि भारतीय सेना कै एक विमान बेपत्ता भएको थियो । २९ जना सवार उक्त विमान हालसम्म पनि फेला परेको छैन । सो विमान समुद्रमा खसेको र सबैको मृत्यु भएको आशंका गरिएको थियो ।