नेपाल एग्रो लघुवित्तले आईपिओ निष्काशनको अनुमति माग गर्दै नेपाल धितोपत्र बोर्डमा आवेदन दिएको छ । कम्पनीले १ करोड ६१ लाख ७७ हजार ८ सय रुपियाँ बराबरको १ लाख ६१ हजार ७ सय ७८ कित्ता शेयर निष्काशन निष्काशनको अनुमति माग गर्दै बोर्डमा आवेदन दिएको हो ।
शेयर निष्काशनको लागि कम्पनीको बिक्रि प्रबन्धक नेपाल एसबिआई मर्चेन्ट बैंकिंग रहेको छ । बोर्डबाट अनुमति पाएपछि कम्पनीले शेयर निष्काशन गर्ने छ ।
कम्पनीको मुख्य कार्यालय कास्की जिल्ला पोखरा महानगरपालिका–१८, विन्ध्यवासिनीमा रहेको छ । संस्थाले १० जिल्लामा रहेका २६ शाखाबाट १५ हजार ९७० महिलाबीच वित्तीय कारोबार सञ्चालन गरिरहेको छ ।
