शाहिद कपुर स्टारर फिल्म ‘कबिर सिह’ सय करोड क्लबमा प्रबेश गरेको छ । २१ जुनबाट प्रदर्शनमा आएको फिल्मले शुरुवातदेखिनै दमदार कलेक्सन गरिरहेको छ । फिल्मले प्रदर्शनको पाँचौ दिनमा सय करोड बढी कलेक्सन गरेको हो ।
ओपनिङ दिनमै फिल्मले २० करोड २१ लाखको कलेक्सन गरेको थियो । फिल्मले शनिबार २२ करोड ७१ लाख, आइतबार २७ करोड ९१ लाख, सोमबार १७ करोड ५४ लाख, मंगलबार १६ करोड ५३ लाख भारुको कलेक्सन गरेको थियो । यो सँगै फिल्म बर्ष २०१९ मा छोटो समयमा सय करोड क्लब प्रबेश गर्ने दोश्रो फिल्म बनेको छ । यसअघि सलमान खानको भारतले चौथो दिनमा सय करोड बढिको कलेक्सन गरेको थियो ।
फिल्ममा शाहिद सँगै कियरा आड्वानिको प्रमुख भुमिका रहेको छ ।