चितवनमा अटोमोबाइल सम्बन्धि काम गर्ने पसल प्रत्येक शनिबर बन्द हुने भएको छ । अटोमोबाईल सम्बन्धि काम गर्दै आईरहेको ३ वटा संगठनले संयुक्त रुपमा यो व्यवस्था ल्याएको हो ।
चितवनमा नेपाल अटो मेकानिक्स ट्रेड युनियन,चितवन अटोमोबाइल्स डिलर एसोसिएसन,चितवन अटोमेकानिकल व्यवसायी संघ र चितवन अटोमोबाइल्स एसोसिएसन रहेका छन् । चितवन अटोमोबाइल्स डिलर एसोसिएसन बाहेक अन्य तिन संघसंगठनहरुले यो कुरामा सहमति जनाएका छन् ।
यस अघि सोमबारको दिन पसल बन्द गर्दै आईरहेका थिए । तर पारिवारिक समयको हिसाबले उपयुक्त नभएका कारण शनिबार बिदा गर्ने निर्णय गरिएको नेपाल अटोमोबाइल्स डिलर एसोसिएसनका बरिष्ठ उपाध्यक्ष गोपाल भट्टराईले जानकारी दिए । साथै शनिबार पसल बन्द गर्दा ग्राहक बर्गमा कुनै असर नपर्ने उनको भनाई छ ।
जिल्लामा चार वटा संगठनमा गरी करिब दुई हजार अटोमोबाइल व्यवसायी रहेका छन् ।
