एनसीएचएलले चाड पर्व नगदरहित रुपमा मनाउन 'मनाऔँ दशैँ १५ दिनै कनेक्ट आर्ईपीएससँगै' भन्ने योजना सार्वजनिक गरेको छ । उपहार समेत रहेको यस योजना कम्पनीले दशैंलाई नगदरहित बनाउन ल्याएको हो ।
योजना अन्तर्गत बैंकका ग्राहकले कार्तिक १ देखि १५ गतेसम्म कनेक्ट आईपीएस मार्फत दक्षिणा पठाउन सक्ने कम्पनीले जनाएको छ । जसअन्तर्गत हरेक दिन १० जना भाग्यशाली विजेताहरुले १ हजार रुपैयाँको गिफ्ट भौचर पाउने छन् ।
कनेक्ट आईपीएसमा रजिष्टर गरेका बैंकका ग्राहकले योजना अन्तर्गत डिजिटल दक्षिणा पठाउन सक्ने छन् । कम्पनीका अनुसार यसरी दक्षिणा पठाउनेमध्ये छानिएका १० दैनिक विजेताको घोषणा एनसीएचएलको अफिसियल पेजबाट गरिने छ ।