लुम्बिनी जनरल इन्स्योरेन्सले लाभांश घोषण गरेको छ । मङ्सिर १ गते सम्पन्न इन्स्योरेन्सको संचालक समितिको बैठकले आर्थिक वर्ष ७३/७४ को वित्तीय विवरण पारित गर्दै सो आवको मुनाफाबाट लगानीकर्तालाई १२.८२ प्रतिशत बोनस वितरण गर्ने प्रस्ताव गरेको हो ।
बैठकले हालै बाँडफांड भएको ३९ करोड समेतलाई जोड्दा कायम हुने चुक्ता पुंजी ७८ करोडको १२.८२ प्रतिशतले हुन् आउने गरी १० करोडको बोनस वितरण गर्ने प्रस्तव गरेको हो । त्यस्तै उक्त बोनसको कर प्रयोजनको लागि ०.६७ प्रतिशतले हुन् आउने ५२ लाख ६३ हजार १ सय ५८ रुपियाँको नगद लाभांश वितरण गर्ने प्रस्तव गरेको हो ।
बोनस वितरणपछि कम्पनीको चुक्ता पुंजी ८८ करोड पुग्ने छ ।
उक्त प्रस्ताव बिमा समितिबाट स्वीकृत प्राप्त भएपछि र कम्पनीको साधारणसभाले पारित गरेपछि लगानीकर्तामा वितरण हुनेछ ।