नेपाल स्टक एक्चेन्जमा आज सोमबार कृषि विकास बैंकको मूल्य समायोजन भएको छ । बैंकले घोषणा गरेको २० प्रतिशत बोनस सुरक्षित गर्ने हिजो आइतबार अन्तिम दिन थियो । बोनसपछि कम्पनीको मूल्य समायोजन भएको हो ।
समायोजनपछि कम्पनीको शेयर मूल्य ३४६ रुपियाँ कायम भएको छ। कम्पनीको औसत आधार मूल्य ४ सय ३३ रुपियाँ रहेको छ ।
लाभांस पारित गर्न कम्पनीले माघ २९ गते साधारण सभा बोलाएको छ। माघ १४ गते आईतबारसम्म कायम सेयरधनीले मात्र बोनस प्राप्त गर्न सक्नेछन् ।
बैंकले एक अर्ब ४१ करोड ७५ लाख ३६ हजार रुपैयाँ बोनस वितरण गर्न लागेको हो । हाल बैंकको साधारण सेयर ७ अर्ब ८ करोड ७६ लाख रुपैयाँ रहेको छ । २० प्रतिशत बोनसपछि बैंकको पूँजी ८ अर्ब ५० करोड ५२ लाख रुपैयाँ चुक्ता पूँजी पुग्नेछ ।
