नागरिक लगानी कोष (सीआईटी) ले सहायक कम्पनी मार्फत पुँजीबजारमा लगानी बढाउने भएको छ । अर्थमन्त्री डा. युवराज खतिवडाले कोषको सहायक कम्पनी खोलेर पुँजीबजारमा लगानी बढाउने तयारी बढेको बताएका हुन् ।
अर्थसमितिमा नागरिक लगानी कोष संसोधन विधेयकमाथि दफावार छलफलको क्रममा अर्थमन्त्री खतिवडाले नागरिक लगानी कोष मुद्राबजारको संस्था नभई पुँजीबजारको संस्था भएको बताए । सहायक कम्पनी मार्फत कोषले पुँजिबजारमा मार्केट मेकरकाे काम गर्ने र यसको लागि कोषको पुँजी ३ अर्ब पर्याप्त भएको बताए ।
उनले कोष वाणिज्य बैक पनि नभएको र ट्रस्टी पनि नभएको बताए । मन्त्री खतिवडाले कोष सामान्य नाफामुलक सार्वजनिक संस्था भएकाे र संकलन भएकाे बचतकाे सुरक्षित लगानी गर्ने संस्था भएकाे बताउदै तुलना नगर्न आग्रह गरे ।
उनले नागरिक लगानी काेष र कर्मचारी संचय काेषलाई सामाजिक सुरक्षा काेषमा मेल खाने खालकाे कुनै याेजना नल्याउन समेत निर्देशन दिएका छन्।