सीडीएस एन्ड क्लियरिङ लिमिटेडले मेरोशेयरको एप सार्वजनिक गरेको छ । सिडीएसले बुधबार बेलुका एप सार्वजनिक गरेको हो । यो समाचार तयार पार्दासम्म ५ सय भन्दा बढीले यो एप डाउनलोड गरिसहेका छन् ।
सिडीएसका नुसार यस एपबाट मेरोशेयरको वेब भर्जनमा भएका सीआस्वा सेवा बाहेकका सबै सेवा प्रयोग गर्न सकिने छ । सिडीएसले हाल यो एप एनड्रोईड प्रयोगकर्ताको लागि मात्र उपलब्ध हुने र निकट भविष्य मै आईओएस प्रयोगकर्ताहरुलाई ल्याईने जनाएको छ ।
सिडीएसले एपको डेभलपर विबरणमा सिडिएस एण्ड क्लियरिङ लि. लेखिएको एप मात्र डाउनलोड गर्न र कुनै पनि किसिमको एपीके लिंकमा मेरो शेयरको एप अपलोड नगरिएको प्रष्ट पारेको छ । सिडीएसले तल चित्रमा देखाए अनुसारको एप मात्र डाउनलोड आग्रह गरेको हो ।